VELIA

VELIA

Lucaniae oppid. Episcopale in sinu Paestano conditum, sub Cyritempora, seu post Aeneae in Italiam adventum an. 600. a

Phocensibus, antea Hyela, Helia et Elea dicta. Vide A. Gellium, l. 10. c. 16. De illo Herodotus, Hoc, inquit, condiderunt Phocenses, quô tempore Harpagus Cyri Dux Phocaeam occupavit. Itaque Virg. l. 6. Aen. v. 366. proleptice,

——— Portusque require Velinos.

Horat. l. 1. Ep. 15. v. 1.

Quae sit hiems Veliae, quod caelum, Vala, Salerni.

Hinc Velina tribus. Horat. l. 1. E. 6. v. 52.

——— Hic multum in Fabiâ valet, ille Velinâ.

Persius, Sat. 5. v. 73.

Libertate opus est, non hac, qua ut quisque Velina

Publius emeruit. ———

Vide Steph. In nummis occurrit ΓΕΛΗΤΩΝ, Ioh. Marshamus, Canone Chron. Sec. XVII. ubi de Magna Graecia. Nunc iacet, ubi Castel a mar della Brucca, ab ostio Silari 50. mill. pass. in Ortum, versus Talaum.